დისტანციური მოლაპარაკება გაყიდვებში - როგორ დავძლიოთ უხერხული მომენტები

დისტანციური მოლაპარაკება გაყიდვებში დღეს უკვე ყოველდღიური პრაქტიკაა, თუმცა ხშირად იწვევს ისეთ სირთულეებს, რომლებიც უშუალო კომუნიკაციაში ნაკლებად გვხვდება. გაყიდვების პროცესში ემოციების, სხეულის ენის და არავერბალური სიგნალების არქონა შეიძლება გახდეს მთავარი ბარიერი ურთიერთგაგებისთვის. ამიტომ მნიშვნელოვანია ვიცოდეთ, როგორ ვუპასუხოთ მსგავს უხერხულობებს ისე, რომ მოლაპარაკება მაინც შედეგიანად წარიმართოს.

ერთ-ერთი ყველაზე გავრცელებული პრობლემა გაყიდვების დისტანციურ კომუნიკაციაში არის კავშირის უხარისხობა. როცა ეკრანზე ადამიანი უძრავად ჩანს ან ხმა შეფერხებით მოდის, რთულია მიხვდე, გაიგო თუ არა მან შენი შეთავაზება. ასეთ დროს ხშირად ჩნდება უხერხული პაუზები ან საუბრის მწყობრი მიმდინარეობა ირღვევა. თუმცა გაყიდვებში გამოცდილება აჩვენებს, რომ ასეთ მომენტებს შეიძლება სარგებელიც ჰქონდეს - მაგალითად, როცა მოლაპარაკება იძაბება , მცირე „ტექნიკური შეფერხება“ გაძლევს დროს აზრების დასალაგებლად და ტონალობის შესაცვლელად. ამ გზით შესაძლებელია გაყიდვების პროცესი უფრო სტრატეგიულად წარმართო.

მეორე ხშირი პრობლემა გაყიდვების ონლაინ მოლაპარაკებებშია კამერის არ ჩართვა. როდესაც მონაწილეთა უმეტესობა უჩინარია, რთულია მათი ჩართულობის შეფასება და კონტროლი. ასეთ სიტუაციაში წარმატებული გაყიდვების მთავარი პირობაა წინასწარი მომზადება - უნდა ვიცოდეთ თითოეული ადამიანის ვინაობა, როლი და განსაკუთრებით ის, ვინ იღებს საბოლოო გადაწყვეტილებას შესყიდვაზე. თუ გადაწყვეტილების მიმღები პირი არ მონაწილეობს აქტიურად ან არ ჩანს ეკრანზე, გაყიდვების მიზანი ხშირად ვერ მიიღწევა. ამიტომ საჭიროა მიზანმიმართული შეკითხვების დასმა ყველა მონაწილესთან(მიუხედავად იმისა ჩართული აქვს თუ არა გამოსახულება,ან არის თუ არა აქტიური), რათა შეიქმნას ჩართულობის და პროფესიონალიზმის განცდა.

დისტანციური მოლაპარაკება გაყიდვებში მოითხოვს არა მხოლოდ პროდუქტისა და შეთავაზების ცოდნას, არამედ მოქნილობასა და ემოციურ ინტელექტსაც. როცა ჩნდება ტექნიკური შეფერხება ან კომუნიკაციური უხერხულობა, პანიკის ნაცვლად ჯობს სიტუაცია საკუთარ სასარგებლოდ გამოვიყენოთ. სწორად დაგეგმილი პაუზა, წინასწარი მომზადება და მიზანმიმართული კითხვები დაგეხმარებათ, რომ გაყიდვების დისტანციურ პროცესშიც წარმატებით მიიყვანოთ მოლაპარაკება სასურველ შედეგამდე.